Abang-abang ora legi.
Nek berjuang kudu ati-ati.
Korsi goyang sikile papat
Nek berjuang ojok golek pangkat.
Nontok wayang nang kelurahan
Lakone Permadi rabi
Nek berjuang jok wedi kangelan
Sangune mantepe ati
Mangan bikang gaweyane randha
Ayo berjuang ngusir wong Landa
Landa-landa wis ndang matia
Onok bedhil isine peluru
Randha-randha wis ndang rabia
Onok bedhidhing gak isa turu.
Rujak kanon pecelan mortir
Lalapane peluru karaben
Bareng katon nek kiwir-kiwir
Mok sayange bokonge sak amben
Pegupon omahe dara
Melok Nipon tambah sara
Lampu gaspon lengane kletik
Jaman Nipon larang dhuwik
Es gandhul taline merang
Cina gundhul gak wani perang
Lori dawa Cak, arane sepur
Njerone sepur onok kondektur
Timbang mati Cak, nang nduwur kasur
Luwih apik mati bertempur
Sapu tangan pojoke papat
Tak kumbah yo tak sikat
Pejuang ojok rebutan pangkat
Rakyat kabeh gak mufakat
Nang warung Cak, ngombea kopi
Godhong pupus buntele jajan
Tiap taun Cak, ayo diperingati
17 Agustusan Hari Kemerdekaan
Nabuh bedug ndukur langgar
Mangan kupat dicampur gula
Kula ngludruk tasik belajar
Menawi lepat nyuwun ngapura.
(adriono.com)
Sumber ilustrasi: youtube.com
Sign up here with your email
EmoticonEmoticon